๐๐ฎ๐ช๐๐ข๐ฌ๐ก๐จ, ๐
๐๐๐ซ๐๐๐ฒ๐จ ๐๐, ๐๐๐๐: Ku-simaha Guddoomiyaha Maamulka Gobolka Banaadir, ahna Duqa Muqdisho, Mudane Ciise Maxamuud Guure, ayaa ka qaybgalay munaasabad uu Telefishinka Universal ku abaal-marinayay guulaystayaasha tartankii Ramadanka, islamarkaana si rasmi ah ugu daah-furayay tartan cilmiyeedka bisha Ramadan ee soo aaddan.
Munaasabadda oo sidoo kale lagu xusay 10 sano-guurada taabbelgelinta Maamulka Gobolka Banaadir (2016โ2026), ayuu Guddoomiye Ciise Maxamuud Guure bogaadiyay dadaalka joogtada ah ee Telefishinka ku bixiyo dhiirrigelinta aqoonta, hiddaha, iyo hal-abuurka dhallinyarada Soomaaliyeed.
Waxa uu bulshada iyo dhallinyarada ku boorriyey in ay ka qayb qaataan tartamada aqooneed iyo kuwa hiddaha iyo dhaqanka, si kor loogu qaado xirfadaha iyo kartida dhalinyarada Soomaaliyeed.
Munaasabadda ayaa sidoo kale waxaa ka qaybgalay Wasiirka Waxbarashada, Hidaha iyo Tacliinta Sare ee Xukuumada Federaalka Soomaaliya, Mudane Faarax Sheekh Cabdulqaadir, ayaa amaanay dadaalka Maamulka Gobolka Banaadir ee 10-sano jirsaday iyo sida Universal TV u joogteeyay tartanka sanadlaha ah.
