Maxkamadda Ciidamada Qalabka Sida sannadkan waxay si muuqata uga duwanaatay sidii ay uga qeyb geli jirtay shirarka garsoorka ee sannadlaha ah. Toddobadii shir ee hore ka-qaybgalkeedu wuxuu ku ekaa martiqaad iyo joogitaan hoggaamineed, balse 2025 waxay la timid warbixin dhammaystiran, diyaar-garow buuxa iyo ka-qaybgal ballaaran oo xitaa ka saamayn batay maxkamadaha rayidka ah.
Warbixinta la soo bandhigay waxay si faahfaahsan uga hadashay howlaha maxkamadda, laga bilaabo furista galalka, dhageysiga dacwadaha, ridista xukunnada ilaa fulintooda. Haddaba, bal aan dib u milicsanno aasaaska iyo shaqada Maxkamadda Ciidamada Qalabka Sida.
Aasaaska Sharciyeed
Maxkamadda Ciidamada Qalabka Sida waxay la aasaasantay dowladnimadii casriga ahayd ee dalka.
-
Xeer Lr.1 (1963): Xeerka Ciidamada xilliyada nabadda iyo dagaalka.
-
Xeer Lr.2 (1964): Xeerka nidaamka garsoorka ciidamada.
-
Waxaa sidoo kale lagu dhaqaa Xeerka La-dagaallanka Argagixisada ee 2023.
Cidda lagu qaado
Maxkamaddu waxay qaadaa:
-
Ciidamada qalabka sida: Xoogga Dalka, Booliska, Asluubta iyo Sirdoonka.
-
Kooxo hubeysan sida jabhadaha, maleeshiyaadka iyo argagixisada.
Tirakoobka Dambiyada 2025
Sanadka 2025, guud ahaan waxaa la furay in ka badan 4,000 gal, halka maxkamadda la hor keenay ku dhowaad 6,000 eedaysane.
Hay’adaha kiisaska soo gudbiyay
-
NISA: 1,400 kiis
-
CID: 1,024 kiis
-
Xoogga Dalka (Waaxda Baarista & Wardoonka): 851 kiis
-
Booliska Gobolka Banaadir: 382 kiis
-
Taliska Asluubta: 287 kiis (iyagoo ka hawlgalay furimaha hore)
Noocyada dambiyada
-
Dhac: 548 (hore 214) – koror weyn
-
Dhaawac: 294 (hore 153)
-
Dil: 486 (hore 227) – muujinaya dhibaato maamul
-
Shabaabnimo: 1,470 (hore 359) – koror ka badan 300%
-
Lunsasho hanti ciidan: 762 (hore 452) – koror ka badan 40%
Xukunnada Qisaasta
Waxaa la fuliyay 22 xukun, oo kala ah:
-
1 Boolis
-
1 Daraawiish
-
4 Xoogga Dalka
-
16 Shabaab & Daacish
Carruurta la soo taagay
-
18 wiil & 14 gabdhood → lagu wareejiyay hay’adaha daryeelka
-
29 wiil → waalidkood loo celiyay
-
9 wiil → la xukumay
Tirada eedaysanayaasha
-
Rag: 5,649
-
Dumar: 387
Maamullada
-
Galmudug ayaa ugu badan dambiyada (120 kiis)
-
Hirshabeelle ayaa ugu hooseysa (33 kiis)
Gunaanad iyo Baahiyaha Jira
Warbixinta oo ka kooban 62 bog waxay sidoo kale iftiimisay baahida loo qabo:
-
Koror garsoorayaal, xeer-ilaaliyeyaal, qareenno iyo khubaro farsamo
-
Xoojinta xafiisyada wacyigelinta
-
Daadejinta maxkamadda si ay uga hawlgasho dhammaan deegaannada ay ciidamadu joogaan
Maxkamadda Sare ee Ciidamada Qalabka Sida waxay soo jeedisay in la dardargeliyo gaarsiinta adeegga garsoor ee militariga si loo hubiyo isla xisaabtan, cadaalad iyo xakamaynta dambiyada ka dhex dhaca ciidamada.
Warbixintan waxay muujinaysaa koror muuqda oo dambiyada qaarkood ah, taasoo u baahan dib-u-eegis maamul iyo xoojin nidaamka anshaxa ciidamada.
