Dad badan oo Canadian ah oo ku nool inta badan dalka ayaa la tacaalaya heerkul aad u qabow iyo baraf culus Axaddii.
Mawjad baraf-baxeed (polar vortex) ayaa dhowrkii maalmood ee la soo dhaafay daboolay inta badan dalka, taasoo keentay in Environment Canada ay soo saarto digniino oranji ah oo loogu talagalay meelo badan — taasoo muujinaysa in cimilada daran ay keeni karto burbur weyn, carqalad ama saameyn caafimaad.
Laga soo bilaabo heerkulkii ugu hooseeyey rikoodhka ilaa boqollaal duulimaad oo la joojiyay, mawjadaha barafka ayaa saameyn ku yeelatay qaybo badan oo dalka ka mid ah.
Gobolada Prairies
Environment Canada ayaa digniin oranji ah siisay inta badan gobolka Saskatchewan, halkaasoo hay’adda ay sheegtay in magaalooyin badan ay jabiyeen rikoodhkii cimilada qabow.
Brad Vrolijk, oo ah khabiir saadaasha hawada ee Environment Canada, ayaa xusay in xaaladaha noocan ah, “maqaarku uu baraf noqon karo daqiiqado gudahood… Haddii dabeyl xitaa fudud lagu daro, waxay noqotaa mid aad khatar u ah.”
Gobolka Ontario
Iyadoo la filayo in gobolka uu ku da’o baraf qiyaastii 40 sentimitir, masuuliyiinta Hamilton, London, Greater Toronto Area (GTA) iyo Kitchener-Waterloo ayaa ku boorriyay dadka deegaanka in ay guriga joogaan.
Environment Canada ayaa digniin oranji ah siisay GTA, iyagoo ka digaya aragtida oo si weyn u xaddidan iyo dabeylo xooggan oo gaari kara 50km/saacaddii inta lagu jiro maalinta ka hor inta nidaamku ka dhaqaaqin habeenkii.
In ka badan 60 boqolkiiba duulimaadyadii ka imanayay ama ka baxayay Garoonka Caalamiga ah ee Toronto Pearson ayaa la kansalay Sabtidii iyo Axaddii, sida laga soo xigtay bogga internetka ee garoonka. 10 boqolkiiba kale ayaa dib loo dhigay.
