Jimco: July 9, 2021
Macalimad Ingiriiska u dhalay oo lagu waayey dalka Japan ayaa maydkeeda la helay.
Alice Hodgkinson, oo ka timid Nottingham, ayaa waxaa u tabiyay maareeyeheeda 1dii Luulyo ka dib markii ay ku guuldareysatay inay timaado goobta shaqada ee Tokyo.
Qoyskan haweeneydan 28 jirka ah waxay sheegeen inay ahayd “qof caqli badan, soo jiidasho leh, kalsooni leh, daryeel badan, haweeney da ‘yar oo aad u qosol badan”.
Booliska Nottinghamshire ayaa sheegay in aan la rumeysneyn inay jiraan xaalado shaki leh oo ku xeeran geerida macalimadda.
Xafiiska arrimaha dibedda ayaa sheegay in “ay taageerayaan qoyskeeda waqtigan adag” ayna “xiriir la leedahay maamulka maxalliga ah ee Japan”.
Ms Hodgkinson waxay wax ka dhigi jirtay Iskuulka English Shane waxayna ku nooleyd deegaanka ay dariska yihiin Kanagawa.
Qoyskeeda ayaa amaanay asxaabta iyo qoysaska ku nool UK iyo Japan kuwaas oo ka caawiyay dadaalka lagu raadinayay iyada.
“Taageeradooda xilligan adag waxay runti hoos u dhigtay murugdooda,” ayay yiraahdeen.
Mr Hodgkinson wuxuu sheegay in saaxiibada gabadhiisa ee Japan ay gacan ka geysanayeen raadinta gabadhooda, iyagoo adeegsanaya baraha bulshada iyo boorar.
“Taageerada ugu weyn waxay ka heleen asxaabteeda runtiina waxay ahaayeen kuwa aad iyo aad u weyn,” ayuu raaciyay.
“Haddii aan aado Japan maxaan ka qaban karaa halkaas? Kaliya waan la wareegi lahaa.
“Waxaan hada wadnaa sida ugu fiican ee aan kari karno. Laakiin hooyada Alice, Julie, aad ayey u dhibaateysan tahay.”
Miss Hodgkinson waxay bishii Maarso 2020 u guurtay Japan si ay wax u dhigto iskuulka aabaheedna wuxuu sheegay inay si joogto ah ugala socon doonaa muuqaallada CCTV.
Wuxuu sheegay in booliska Japan ay hada dib u eegis ku sameynayaan muuqaalada CCTV ee laga soo qaaday gurigeeda.
Afhayeen u hadlay Xafiiska Arimaha Dibadda, ee dalalka Barwaaqo Sooranka iyo Horumarinta (FCO) ayaa yiri: “Waxaan xiriir la sameyneynaa maamulka maxalliga ah ee Japan oo ku saabsan haweeneyda British-ka ah oo la la’yahay.
Shaqaalaha qunsuliyadda waxay la xiriiraan qoyskeeda oo deggan UK.
Booliska Nottinghamshire waxay sheegeen inay sidoo kale la shaqeynayaan “hay’adaha ay khuseyso” ayna taageerayaan qoyska.
ffice Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
