April 9-4-2021
Prince Philip, oo ahaa Boqoradda Elizabeth II ninkeeda, ayaa geeriyooday isagoo 99 jir ah, sida uu shaaciyay qasriga Buckingham.
Amiirka ayaa boqoradda oo xilligaas ahayd Princess Elizabeth guursaday sanadkii 1947-kii, shan sano ka hor inta aysan noqonin boqorad, waxaana uu ahaa seygii muddada ugu badan kasoo howl galay taariikhda boqortooyada Ingiriiska.
Bayaan kasoo baxay qasriga Buckingham ayaa lagu yidhi: “Waa murugo qota dheer in Boqoradda ay ku dhawaaqdo geerida seygeeda ay jecleyd, Prince Philip, oo ahaa amiirka Edinburgh.
“Amiirka darajada boqortooyo leh waxa uu u geeriyooday si nabad ah isagoo ku sugan Windsor Castle.”
Prince Philip iyo boqoradda waxay isu dhaleen afar carruur ah, siddeed carruur ahna waxaa sii dhalay ilmahooda halka 10 ay carruurtaas kale sii dhaleen.
16-kii bishii March ayuu Prince Philip dib ugu laabtay qasriga Windsor kaddib markii uu hal bil ku jiray isbitaal.
Amiir Edinburgh wuxuu boqoradda barbar taagnaa in ka badan 60 sano oo ay xilka boqortooyada heysay, wuxuuna noqday seygii ugu muddada dheeraa ee soo maray taariikhda boqortooyada Ingiriiska
Dadweyne ayaa ubaxyo hor dhigaya Qasriga iyagoo boqortooyada u muujinaya sida ay uga murugeysan yihiin geerida Amiir Phlip.
Sidoo kale waxaa isasoo taraya farriimaha tacsida ah ee ka imaanaya madaxda Caalmaka. Ra’iisul Wasaaraha Britain, Boris Johnson ayaa sheegay in amiirka uu dhiirrigelin u noqday dhalinyaro badan.
Baarlamaanka Ingiriiska ayaa Isniinta qaddarin u sameyn doona amiirka, iyadookal fadhi gaar ah loo sameyn doono tacsidiisa.
Office Nairobi
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
