.
February 24, /2/ 2021
Wararka aan ka heleyno deegaan ku yaalla xuduudka Gobolka Galgaduud uu la wadaago Itoobiya ayaa waxaa ay sheegayaan in barqanimadii Maanta halkaas uu ka dhacay Dil loo geystay qof shacab ah.
Rag hubeysan oo maleeshiyaad ah ayaa la sheegay in Nin shacab ah ku dileen deegaanka Dacdheere, iyadoona dilkaas loo adeegsaday qori Ak47, isagoo ugu geeriyooday rasaas lagu dhuftay.
Ninka la toogtay ayaa waxaa lagu magacaabi jiray Cabdi Xasan Cadar oo kamid ahaa dadka deegaanka Dacdheere ee ku yaalla xuduudka Gobolka Galgaduud uu la wadaago Itoobiya, waxaana halkaas ka baxsaday ragii ka dambeeyay falka.
Xiisad u dhexeeysa dadka deegaanka ayaa Maanta lasoo sheegayaan inay ka taagan tahay Dacdheere oo lagu dilay Cabdi Xasan, waxaana falkaas la tilmaamay inuu la xiriiray dilal horey u dhacay, iyadoona deegaanka laga dareemayo xiisad.
Si kastaba dhowr mar ayaa horey sidaan oo kale waxaa dilal iyo dagaalo u dhexeeyay maleeshiyaad hubeysan uga dhaceen deegaano ku yaalla xuduudka Gobolka Galgaduud iyo Itoobiya, waxaana falalkaas inta badan ka dhasheen aanooyin qabiil.
Xafiiska Wararka Qaranimo Online
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
