Muqdisho | QOL | Maarso 21, 2019 –Haweeneydaasi oo deggan Gobalka Queenland ee dalkaasi ayaa la soo taagay Maxkamadda ku taalla caasimadda Gobalkaasi ee Brisbane, waxaana oo lagu soo eedeeyey inay 2 gabdhood oo ay dhashay u kaxaysay Somalia, kuna soo samaysay Gudniinka Fircooniga ee FGM-ka oo mamnuuc ah dalkaasi
Haweeneydaasi oo 45 jir ah waxaa lagu helay inay gabdhaheeda oo 10-jir iyo 13-jir kala ahaa ay Somalia u dhoofisay bishii April ee sannadkii 2015-kii, si loogu soo gudo.
Garsooraha Maxkamadda Brisbane, Leanne Clare waxay ku tilmaamtay dhaawacaasi inuu yahay tacadi ka dhan ah carruurta, waa sida ay hadalka u dhigtay.
Haweeneyda Soomaalida waxaa lagu xukumay Xabsi 4-sanno, waana Xukunkii ugu horreeyey oo ay Maxkamadda Gobalka Queensland ee dalka Australia ku xukunto shaqsi lagu soo eedeeyey Gudniinka Fircooniga ee FGM-ka.
Dhinaca kale, Haweeneydaasi oo la sheegay inay la xanuusan tahay Cuddurka Kansarka iyo dhabar-xanuun ayaa la sheegay in 8 bilood kadib la hakin doono muddada lagu xukumay, iyadoo Carruurteeda la sheegay inuu daryeeli doono Aabahooda, inta ay Hooyadooda xabsiga ku jirto.
Xafiiska Wararka Qaranimo Online | Muqdisho
______________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
