Muqdisho | QOL | Maarso 21, 2019 –Sarkaal ka tirsan Shirkadda Dahabshiil Group o ola hadlay Dalsan Media ayaa sheegay inay Madaxda TV-ga Aljazeera ee xaruntiisa dhexe ku taallo caasimadda dalka Qatar ee Doha garwaaqsadeen inay barahooda Bulshadda ee Laanta Afka Craabiga ee Aljazeera ka saaraan Warbixintaas qadaf ku ah Dahabshiil, ee looga been sheegay arrimo aysan ku lug lahayn ee ahaa inay xiriir la leeyihiin Shirkadda DP World.
Sarkaalka waxa uu tilmaamay inay Maamulka Dahabshiil qoraal cabasho ah u qoreen Maamulka Sare ee Telefishinka Al-jaziira oo ku aadan Barnaamij bishan March 17-dii laga sii daayey Qeybta Craabiga ee Telefishinka oo loogu magac daray “Almasaafa Sifrr”, kaasi oo ay ka diyaariyeen Hardanka Dekeddaha ee ka socda Geeska Afrika.
Waxa uu intaasi ku daray in Xiriirka Dahabshiil la sameeyeey Maamulka Aljazeera TV uu horseeday inay Barahooda Warbaahinadda Bulshadda ka saaraan Warbixintaasi.
Dhinaca kale, Shirkadda Dahabshiil waxay horey u soo saratay qoraal ay ku beeninayso xogaha ku soo arooray Barnaamijka loogu magac daray “Almasaafa Sifrr” ee laga baahiyey Laanta Afka Carabiga ee Telefishinka Aljazeera.
Qoraalka Dahabshiil u dirtay Maamulka Telefishinka Aljazeera waxaa lagu xusay in baahinta Barnaamijkaasi xambaarsanaa Eedeymo la been abuuray, kuwaasi oo gebi ahaan ahaa Sharaf-dil iyo Eedeymo ku aadan ku lug lahaanshaha Arrimo Siyaasadeed oo u muuqda kuwo ay dabada ka riixayso arrimo la xiriira Siyaasad Deegaamaysan (Geopolitical reasons).
Qoraalka Dahabshiil waxaa lagu muujiyey inaysan Aljazeera siinin Dahabshiil xuquuda jawaabta iyo fal-celinta ka hor intaysan Aljazeera baahinin Barnaamijkaasi.
Qoraalka Dahabshiil waxa uu hoosta ka xariiqay haddii ay Aljazeera telefoonka kula soo xiriiri lahaayeen Dahabshiil in laga fogaan lahaa Qaladaadka iyo Been Abuurka badan ee ku jiray Warbixintaasi
Si kastaba ha ahaatee, Dahabshiil ayaa ah Shirkad Ganacsi oo Caalami ah oo si gaar loo leeyhaay, oo u adeegto Bulshadda Caalamka, isla markaana aan ku lug lahayn Siyaasado Dowladeed ama Kooxeysi Siyaasadeed.
Xafiiska Wararka Qaranimo Online | Muqdisho
______________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
