Taariikh nololeedkii Wasiir Khadiija Maxamed Diiriye

____________________________________________________________________________

Allaha u naxariistee waxaa maanta magaalada Jabuuti ku geeriyooday Wasiirka Haweenka iyo Horumarinta Xuquuqul Insaanka Marwo Khadiija Maxamed Diiriye, kadib xanuun asiibay.

Khadiija ayaa kamid aheyd wafidiga ra’iisul wasaaraha Soomaaliya Mudane Xamza Cabdi Barre ee ka qeyb-galaya Madasha Aragti-Wadaag ee lagu qabanayay dalka Jabuuti.

Waayihii ay soo martay

Waxa ay 2 April 1964 ku dhalatay magaalada Muqdisho, iyada oo barashada Qu’aanka ku bilawday hayaankeeda waxbarsho.

Waxa ay 1972 illaa 1979 Dugsiga hoose iyo dhexe ku baratay Dugsiga Hassan Dhagey ee ku yaala magaalada Jowhar, waxayna Dugsiga Sare ilaa heer Jaamacad ku qaadatay magaalada Muqdisho.

Xirfadaha Shaqo

1981-1982: Bare Dugsiga Dhexeee Hassan Dhagey Burey – Jowhar – Soomaaliya
1982-1983: Xogheynta iyo Maamulka Xisaabaadka Dugsiga Sare ee Beeraha Jowhar
1983-1984: Maamulka Xarunta Xiriirinta Labada Gobol ee Hiiran iyo Shabellaha Dhexe – Buurane
1984-1990: Mashruuca Fidinta Beeraha 1990-2000: Ganacsato iyo Guri Joogto

Doorka Siyaasadeed

Waxa ay AUN leedahay 23 Sano oo Khibrado Siyaasadeed ah, iyada oo soo qabatay xilalkan:

2000-2004: Xildhibaan Dowladii Carta lagu soo Dhisay (TNG)
2004-2009: Xildhibaan Dowladii Impagathi lagu soo dhisay (TFG)
2004: Wasiir Kuxigeenka Wasaaradda Haweenka iyo Dalyeelka Qoyska XKMG
2005-2006: Wasiir Kuxigeenka Wasaaradda Hidaha iyo Dhaqanka XKMG
2006-2007: Wasiiru Dowlaha Wasaaradda Warfaafinta iyo Hanuuninta Dadweynaha XKMG
2008-2009: Wasiirka Wasaaradda Horumarinta Haweenka iyo Arrimaha Qoyska XKMG
2008-2009: Siihayaha Wasiirka Wasaraadda Xanaanada Xoolaha, Kalluumeysiga iyo Bii’ada XKMG
2009-2010: Xildhibaan Baarlamaankii lagu Biiriyey Djibouti
2009-2010: Wasiirka Wasaaradda Horumarinta Reer Miyiga XKMG Dhirta iyo Daaqa XKMG
2010-2011: Wasiirka Wasaaradda Dhallinyarada iyo Isboortiga
2011 : Wasiiru Dowlaha Wasaaradda Biyaha, Batroolka Macdanta iyo Tamarta XKMG
2011-2012: Guddoomiyaha Guddiga Cilmi Baarista, Tignaloojiyada, Boostada iyo Isgaarsiinta ee Golaha Shacabka KMG
2012: Xildhibaan Golaha Shacabka Baarlamaanka Jamhuuriyadda Federalka Soomaaliya
2013: Guddoomiyaha Guddiga Xuquuqul Insaanka, Haweenka iyo Arr. Bani’aadanimo ee Golaha Shacabka BJFS
2014: Wasiirka Haweenka iyo Horumarinta Xuquuqda Aadanaha XJF
2016: Wakiilka u matalaaya Soomaaliya IPU-IGAD Women CAUCUS
2017: Xildhibaan Golaha Shacabka BJF
2017 – 2020: Wasiirka Wasaaradda Dhallinyarada iyo Isboortiga XJFS
2020 – 2022: Wasiirka Gargaarka iyo Maareynta Masiibooyinka XJFS
2022: Xildhibaan Golaha Shacabka BJF
2022: Wasaaradda Haweenka iyo Horumarinta Xuquuqda Aadanaha