Talaado: June 7, 2022
Booliiska dalka Nigeria ayaa sheegay in rag hubeysan oo malintii Axaddii dad ka badan 20 qof ku dilay kaniisad ku taalla dalkaasi ay iska soo dhigeen dad cibaadeysanayay.
Afhayeen u hadlay booliska ayaa sheegay in kooxda weerarka soo qaadday ay gudaha dhismaha bambooyin ku qarxiyeen, halka kuwo kale oo dibadda joogay ay rasaas ku fureen dadkii halkaa joogay.
Ilaa iyo hadda ma cadda sababta ay u fuliyeen weerarka ka dhacay magaalada Owo ee koofur-galbeed.
Booliisku sidoo kale wali ma shaacin tirada rasmiga ah ee weerarkaasi ku dhimatay.
Qaramada Midoobay ayaa sheegtay in ay “si adag u cambaaraynayso weerarrada arxan darada ah ee lagu hayo dadka cibaadaysanaya”, sida lagu sheegay bayaan uu soo saaray afhayeenka xoghayaha guud ee Qaramada Midoobay isaga oo ku hadlaya magaca Isu-duwaha Qaramada Midoobay u qaabilsan Nigeria, Mattias Schmale.
Office Nairobi kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
