Guddoomiyaha gobolka Banaadir ahna duqa magaalada Muqdisho mudane Cumar Maxamud Maxamed (Cumar Filish) ayaa maanta xarunta aqalka dowlada hoose ee Xamar ku qaabilay wafdi uu hogaaminayay safiirka dowlada Shiinaha u fadhiya Soomaaliya Ambassador Mr. FEI Shengchao.
Duqa magaalada Muqdisho iyo Safiirka Shiinaha ayaa wax yaabihii ay kawada hadleyn waxaa kamid ahaa.
1-Xoojinta iskaashiga horumarineed ee ka dhaxeeya maamulka gobolka Banaadir iyo Safaarada.
2- Fulinta mashaariic wax kuโool ah, sida dhismaha wadooyinka, xarumaha danta guud, horumarinta Arimaha la xariira Waxbarashada iyo Caafimaadka.
3- Dib usoo nooleynta xarumaha farsamada gacanta iyo shaqa abuurka bulshada.
Safiirka dowlada Shiinaha u fadhiya Soomaaliya Ambassador Mr. FEI Shengchao ayaa balan qaaday in maamulka gobolka Banaadir ay ku garab istaagi doonaan horumarinta Caasimadda.
Guddoomiyaha gobolka Banaadir ahna duqa magaalada Muqdisho mudane Cumar Maxamud Maxamed (Cumar Filish) ayaa ugu danbeyn uga mahadceliyay dowlada Shiinaha iyo shacab keeda doorka muuqda oo ay ka geesteen garab istaaga umada Soomaaliyeed iyo dhismaha wadanka.
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
