Kenya oo soo bandhigtay Magaca Nin ku eedeysan weeraro ka dhacay dalkaas

____________________________________________________________________________

Isniin: November 29, 2021

Warbixin ay dhawaan soo saareen laamaha amaanka Kenya ayaa lagu sheegay in muwaadin Irani ah oo lagu magacaabo Mohammed Saeid Golabi uu ku lug lahaa falal argagixisanimo oo ka dhacay gudaha Kenya iyo wadamada dariska ah.

Golabi, oo la rumeysan yahay inuu si joogto ah u booqdo Kenya iyo gobolka, ayaa lagu soo warramayaa inuu udub dhexaad u yahay qorshayaasha argagixsada ee lagu beegsanayo danaha maxalliga ah iyo kuwa Israel ee Kenya.

Ilo-wareedyo badan oo booliska ka tirsan ayaa Wargeyska Star u sheegay inay la socdeen dhaqdhaqaaqyada argagixisanimo ee Golabi iyo qaar ka mid ah saaxiibadiisa deegaanka, waxayna ku qanceen inuu jiro xiriir ka dhexeeya isaga iyo dhaqdhaqaaqyada argagixisada.

“Waan soo bandhignay isaga iyo xiriirkiisa waqti ka dib. Waxaan haynaa sabab nagu filan oo aan ku aamino inuu la shaqaynayey kooxahaas argagixisada ah,” ayuu yiri sarkaal sare oo ka tirsan Qaybta Booliska la-dagaalanka Argagixisada.

Golabi ayaa looga shakisan yahay inuu yahay sarkaal sirdoon oo Iran ah wuxuuna la shaqeeyaa koox Kenyan ah si ay u ururiyaan sirta ka dhanka ah xarumaha gaarka ah iyo kuwa dowladda labadaba iyadoo la doonayo in la weeraro.

Ma jiro wax hadal ah oo ka soo baxay dowladda Iran.

Warbixinta amniga, oo uu qoray wargeyska The Star, ayaa soo bandhigeysa dib u soo laabashada howlgallada ammaanka ee dalka Kenya ka dib markii dhawaan xabsiga Kamiti ugu sarreeya ay ka baxsadeen saddex ku eedeysan falal argagixisanimo, kuwaas oo kala Musharaf Abdalla, Joseph Juma Odhiambo iyo Mohamed Ali Abiikar.

Saddexda qof ee baxsadka ah ayaa dib loo qabtay iyagoo ku sii jeeda Soomaaliya si ay dib ugu biiraan Ururka Al-Shabaab ee fadhigeedu yahay Soomaaliya.

Dhawaan, madaxweyne Uhuru Kenyatta ayaa ugu baaqay hay’adaha ammaanka inay xoojiyaan ilaalinta iyo howlgallada kale ee lagu sugayo ammaanka si dalka looga ilaaliyo khataraha dibadda iyo gudaha.

Office Nairobi Kenya

_____________________________________________________________________________________