Axad, 29 Janaayo [Qaranimo Online] Liiska shaqsiyaad-ka ay u aqoonsatay Majalada Somali Magazine in ay yihiin 100-ka qofood ee ugu saameynta badan Soomaaliya, ayaa lagu soo daray Guddoomiye ku-xigeenka Jaamacadda Accord Prof. Abdulkadir Basheer Mohamed.
Shaqsiyaadka 100-ka ee ay Majaladu soo bandhigtay ayaa isugu jiraan siyaasiyiin, dhaqaatiir, shaqsiyaad u dhaqdhaqaaqa xuquuqda aadanaha, bahda waxbarashada, gancsiga iyo fanka.
Prof. Abdulkadir Basheer Mohamed ka sokow inuu yahay Guddoomiye ku-xigeenka Jaamacadda Accord, sidoo kale waa Xoghayaha guud ee Hay’adda UNSOMALIA, wuxuuna door weyn ka qaatay dib u habeynta & casriyeynta waxbarashada Soomaaliya.
“Prof. Abdulkadir, waxaan oran karaa wuxuu ka mid yahay shaqsiyaadka raasumaalka u ah Qaranka, wuxuu waqti & juhdi geliyay inuu soo saaro dhalinyaro Soomaaliyeed oo ku taqasusay qeybaha kala duwan ee cilmiga” Ayuu yiri Cabdirisaaq Maxamed Xassan oo ka mid ah maamulka Jaamacadda Accord, isaga oo intaasi ku daray in waddan kasta marka ay mushkilad ku timaado in ay u soo gurmadaan dadkiisa aqoonta la bidayo.
C/risaaq Maxamed wuxuu sheegay in maamulka Jaamacadda & Hay’adda UNSOMALIA ay sharaf u tahay in ay ugu hambalyeeyaan Prof. Abdulkadir xulshada Somalia Magazine.
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
