Axad: January 29, 2023
Ku dhawaaqista Donald Trump, ee ah in uu u tartamayo madaxtinimada Maraykanka sanadka 2024-ka dhacay, ma ahayn mid la yaab leh, ama qorshe uu kaga fogaanayo in dacwad lagu soo oogo, sida ay dadka qaarkiis u malaynayeen.
Waxa uu cagta saaray dhabada lagama maarmaanka u ah hanashada, uu dib ugula wareegayo Aqalka Cad ee loogga arrimiyo dalka Mareykanka
Ku dhawaad saddex bilood ka dib, markii uu ku dhawaaqay ololihiisa, madaxwaynihii hore, ayaa Sabtidii sameeyay ololihiisii ugu horeeyay ee ka qabsoomay gobolka uu ka soo jeedo ee Florida.
Magaalada New Hampshire, ayaa waxa uu khudbad ka jeediyay shirka xisbiga Jamhuuriga, waxa uuna ku dhawaaqay in gudoomiyaha xisbiga ee gobolka uu noqon doono lataliye sare oo ololihiisa doorashada ah.
Xarunta gobolka Koonfurta Carolina ee magaalada Columbia, ayaa wuxuu halkaasi ka helay taageerada gudoomiyaha gobolka, Henry McMaster, iyo Senator-ka Lindsey Graham.
Waa yadii danbe Trump ayaa muujiyay waxoogaa niyad-jab ah, ka dib rabshaddii ka dhacay xarunta Congress-ka ee 6-dii bishii Janaayo ee sanadkii 2021-ka, haatanse wuxuu kula soo noqday saaxadda siyaasadda niyad wanaag.
“Immisa jeer ayaad maqashay, ‘Waan jecelnahay siyaasadaha Trump, laakiin waxaan rabnaa qof cusub?” Graham ayaa waydiiyay dadkii badnaa. “Ma jirtaa siyaasad Trump la’aantiis.”
Trump ayaa mar kale iska fogeeyey guuldaradii doorashadii dhacday 2020-kii, wuxuuna u sheegay taageerayaashiisa in isaga – uu ka duwan yahay xiliyadii hore, oo aanu jirin ruux oo lagu badalo karo oo suurtagala, oo ka imanaya xisbiga Jamhuuriga – uuna noqon doono musharraxa ugu waxtarka badan 2024-ka.
“Si aad wax uga bedesho nidaamka oo dhan, waxaad u baahan tahay madaxweyne hanan kara shaqooyinka oo dhan, iyo madaxweyne ku guuleysan kara,” ayuu yiri isagoo ku sugan hoolka weyn ee madaxtooyada.
Labada goobood ee uu tagay, Trump ayaa waxa uu ku tilmamay waxa uu ku sheegay inay ahayd rikoodhkiisii guusha intii uu madaxweynaha ahaa, waxaana uu weeraray rikoodhka madaxweyne Joe Biden ee dambiyada, socdaalka iyo dhaqaalaha.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
