Khamiis: December 29, 2022
Magaalooyin ku yaalla dalka Ukraine ayaa waxaa lagu bartilmaameedsaday mowjado gantaallo ah oo Ruushku leeyahay, taasoo ka mid ah duqeymihii ugu waaweynaa tan iyo markii uu dagaalka billowday.
Ugu yaraan saddex qof – oo ay ku jirto gabadh 14 jir ah – ayaa loo qaaday cisbitaalka ka dib markii ay qaraxyo ka dhaceen caasimadda Kyiv, sida uu sheegay duqa magaalada Vitaliy.
Qaraxyo ayaa sidoo kale laga maqlay magaalooyinka Kharkiv, Odesa, Lviv iyo Zhytomyr.
Milateriga Ukraine ayaa sheegay in 69 gantaal la riday, iyadoo difaaca cirka uu qabtay 54 ka mid ah.
Mar sii horreysay, la taliyaha madaxweynaha Mykhailo Podolyak ayaa sheegay in in ka badan 120 gantaal lagu soo riday kaabayaasha rayidka.
Duqeymaha cirka ah ayaa socday ku dhawaad shan saacadood, waxaana hogaamiyaha gobolka ee koonfurta Odesa, Maksym Marchenko, uu ka hadlay “weerar weyn oo gantaalo ah oo lagu qaaday Ukraine”.
Ciidamada Cirka ee Ukraine ayaa sheegay in Ruushka uu dalkaas ka weeraray “jihooyin kala duwan iyaga oo adeegsanaya gantaalada hawada iyo kuwa badda ku salaysan”. Waxay intaas ku dartay in tiro ka mid ah diyaaradaha aan duuliyaha lahayn ee Kamikaze la isticmaalay.
Office Nairoibi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
