Talaado: SEPTEMBER 20, 2022
Mas’uuliyiinta gobolka Tigray ee Itoobiya ayaa sheegay in ciidamada dalka deriska la ah ee Eritrea ay maanta weerar baaxad leh kusoo qaadeen, islamarkaana dagaal xooggan uu ka socdo xuduudda.
Laba ka mid ah shaqaalaha gargaarka ayaa sidoo kale ku warramay in dagaal culus uu ka socdo xuduudda, islamarkaana madaafiic ay ku dhaceen xero ay ku sugan yihiin barakacayaal oo ku taalla xaafadda Ziban Gedena. Ma aysan sheegin haddii ciidamada Eritrea ay ku sugan yihiin dhulka gobolka Tigray.
Haddii la xaqiijiyo ka qeyb-galka ciidamada Eritrea ee dagaalka, waxay ka dhigan tahay inuu sii darsaday dagaalka oo dib u qarxay bishii tagtay kadib markii ay burburtay xabad-joojin jirtay tan iyo bishii March.
Ergeyga gaarka ah ee Mareykanka u qaabilsan Geeska Afrika, Mike Hammer ayaa maanta sheegay in Mareykanka uu ka war hayo in ciidamada Eritrea ay kasoo gudbeen xuduudda oo ay soo galeen gobolka Tigray ayna cambaareynayaan.
https://dcc8e31227ec9fc3472b4cc6628d8252.safeframe.googlesyndication.com/safeframe/1-0-38/html/container.html Eritrea ayaa ciidamadeeda kala baxday inta badan gobolka Tigray sanaddii tagtay kadib markii ay militariga Itoobiya taageereen wejiyadii ugu horreeyey ee dagaalka ka dhanka ah xooggaga Tigray-ga oo qarxay bishii November ee 2020.
“Eritrea waxay soo daabushay dhammaan ciidamadeeda iyo sidoo kale keydkii. Ciidamadeena si geesinimo leh ayey u difaacayaan aagaggooda,” waxaa sidaas twitter kusoo qoray Getachew Reda, afhayeenka TPLF.
Wasiirka Warfaafinta Eritrea Yemane Gebremeskel kama jawaabin codsi falcelin oo loo diray.
Getachew waxa uu sheegay in ciidamada dowladda Itoobiya iyo ciidamada gaarka ah ee gobolka Amhara ee koonfurta ay sidoo kale ku biireen weerarka.
Afhayeenka dowladda Itoobiya Legesse Tulu, afhayeenka militariga Cololnel Getnet Adane, iyo Billene Seyoum oo ah afhayeenka ra’iisul wasaare Abiy Ahmed ayaan dhammaantood ka jawaabin codsi falcelin oo loo diray.
Gizachew Muluneh, oo ah afhayeenka dowladda gobolka Amhara, ayaan isna sidoo kale jawaabin.
Dagaalka gobolka Tigray oo socda laba sano iyo bar ayaa mar horeba dilay kumananaan qof, wuxuuna barakiciyey malaayiin kale, isaga oo musiibo bani’aadannimo ka abuuray waqooyiga Itoobiya.
Dowladda Canada ayaa Sabtidii ka digtay in ciidamada Eritrea ay isku urursanayeen xuduudda iskuna diyaarinayeen weerar ay ku qaadaan gobolka Tigray.
Wasiirka Warfaafinta Eritrea Yemane Gebremeskel ayaa dhammaadkii toddobaadkan xaqiijiyey in loo yeeray qaar ka mid ah ciidamada keydka.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
