Khamiis: SEPTEMBER 15, 2022
Booliiska Kuuriyada Koonfureed, ayaa sheegay in ay xireen haweeney lagu eedeeyay dil ay u geysatey labo caruur ah, oo ay dhashay oo bishii hore, taasoo laga dhex helay iyagoo ku jira shandado gudaha dalka New Zealand.
Kiiskan ayey dadka dalkani ka argagaxee, iyadoo meydadka ay heleeny dad aan garanayn, oo shandadihii laga tagay kasoo iibsaday qaybta kaydka ee magaalada Auckland.
Meydadka ayaa la rumeysan yahay in la keydinayey dhowr sano. Booliiska Kuuriya, ayaa sheegay in dhibanayaasha oo ah ilmo yaryar, ay da’doodu kala tahay toddobo iyo toban jir.
Dalka New Zealand, ayaa ka dalbatay in haweenaydan ay soo gacan galiyaan mas’uuliyiinta Kuuriyada Koonfureed.
Booliiska magaalada Auckland, ayaa sheegay inay si dhow ula shaqeeyeen maamulka Kuuriyada Koonfureed baadigoobka la xiriira haweeneydan, kadib markii ay sheegeen bishii hore inay ku sugan tahay Kuuriyada Koonfureed.
Haweeneydan ayaa u baxsatay Kuuriyada Koonfureed sanadkii 2018-kii, kadib dhimashadii carruurta.
Booliska Kuuriyada Koonfureed, ayaa sheegay in haweeneydan 42 jir tahay, iyadoo heysata dhalashada New Zealand, asal ahaanna kasoo jeeda dalka Kuuriyada Koonfureed.
Waaran ama warqad xiritaana oo caalami ah oo Interpol ay soo gudbisay, ayaa lasoo saaray, si loo soo xiro. Saraakiisha ayaa xiray maanta oo Khamiis ah, iyadoo saqdii dhexe ay weerar ku qaadeen guri ku yaalla koonfur-bari ee ee Kuuriyada Koonfureed, gaar ahaan magaalada Ulsan.
Arrintan ayaa dhacdey kagadaal markii uu yimid is-maandhaaf, iyadoo baarayaashu ay heleen xog hoose oo ku saabsan halka ay ku sugan tahay haweeneyda, ayay yiraahdeen booliiska qaranka ee Seoul.
Bishii hore, booliiska New Zealand ayaa sheegay inay baadi-goob ugu jireen haweeneyda, kaddib markii ay ku guuleysteen inay aqoonsadaan carruurtaas, oo aan magacyadooda la sheegin.
“In qof lagu hayo dibadda muddo gaaban gudaheed, dhammaan waxay hoos u dhacday in ay gacan ka geystaanmasuuliyiinta Kuuriya iyo isku-dubbaridka shaqaalahayada booliiska New Zealand iyo ciidanka booliiska Interpol,” ayuu yiri Kormeeraha booliiska dalka New Zealand, Tofilau Fa’amanuia Vaaelua. Maanta ooKhamiis ah.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
