Talaado: March 1, 2022
Guddigii uu Ra’iisul Wasaare Rooble u magacaabay inay ka soo talo-bixiyaan xaalada magaalada Garbahaarey ee gobolka Gedo ayaa guda-galay shaqadiisa, sida lagu shaaciyey qoraal uu baahiyey xafiiska Ra’iisul wasaaraha.
Guddoomiyaha Guddigaas loo xil-saaray soo qiimeynta xaaladda deegaan doorashada labaad ee Jubbaland Cumar Maxamed Cabdulle ayaa galabta la kulmay mas’uuliyiin ka socotay Madasha Wadahadalka Soomaaliyeed (Somali Dailogue Plattform).
Guddoomiyaha iyo xubno ka tirsan guddigaas ayaa madashaas u gudbiyey qorshe howleedka guddigaan uu magacaabay Ra’iisul Wasaare Rooble. Guddoomiyaha oo Madasha faahfaahin dheer ka siiyay qorshe howleedka guddigiisa ayaa ka codsaday inay ku gacan siiyaan fulinta howshaan qiimeynta ah.
Magaalada Garbahaarey ayaa shaki xoog leh la geliyey in lagu qaban karo doorashada kuraasta taalla, waxaana guddiga uu u xilsaaray Rooble laga doonayaa in ugu dambeyn 5-ta bishaan ay Garbahaarey ka keenaan warbixin dhameystiran.
https://9ab5cf00fc584b9a2fbc2b8ac4a909be.safeframe.googlesyndication.com/safeframe/1-0-38/html/container.html Doorashada xildhibaanada golaha shacabka ayaa lagu balamay in la soo gaba-gabeeyo 15-ka bishaan, waxuuna culeyska ugu weyn ka taagan yahay Garbahaarey oo 16 kursi ay taallo.
Jubbaland waxay si cad u sheegtay in Garbahaarey aan doorasho lagu qaba Karin, maadaama aysan ku jirin gacanta maamulkaas oo ay joogaan ciidamo toos u hoos taga madaxweynihii hore Farmaajo.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
