Talaado February 22, 2022
Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble ayaa Ummadda Soomaaliyeed uga tacsiyadeeyay geerida ku timid Sheekh Cabdinaasir Xaaji Axmed oo u geeriyooday qarax ay la beegsadeen argagaxisada Al-Shabaab, kaasi oo maanta ka dhacay magaalada Kismaayo ee xarunta KMG u ah dowlad Goboleedka Jubbaland.
“Waxaan murugada la qeybsanayaa una tacsiyeynayaa ehelada iyo Ummadda Soomaaliyeed ee uu ka baxay Sheekh Cabdinaasir Xaaji Axmed oo ku geeriyooday qarax argagixisadu kula beegsadeen Kismaayo. Allaha u naxariistee Sheikh Cabdinaasir waxa uu ahaa daaci diinta faafiyo oo samaha ka shaqeeya. Waxaan Allaah uga baryayaa inuu jannadii Firdows ka waraabiyo ehelkiisii iyo Ummaddana samir iyo iimaan ka siiyo”.ayuu yiri Ra’iisul Wasaare Rooble.
- Ra’iisul Wasaaraha Dalka Mudane Maxamed Xuseen Rooble ayaa shacabka iyo laamaha Ammaanka faray in hal meel looga soo wada jeesto argagaxisada beegsaneysa indhaha shacabka. “Waa in aan u midownaa la dagaallanka argagixisada naxariista daran ee ka been sheegaya diinteenna suubban, dilayana bulshada oo dhan oo ay ku jiraan culimaa’udiinka”.
\Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
