Ciidamada dowladda oo degaan kala wareegay Al-Shabaab

____________________________________________________________________________

Talaado: November 9, 2021

Ciidamada dowladda Soomaaliya ayaa waxaa ay howlgallo kala duwan ka sameeyeen degaano hoostaga degmada Garbahaareey ee Xarunta Gobolka Gedo.

Howlgallada ayaa waxaa la sheegay in Ciidamada ay kula wareegeen degaano ay ku sugnaayeen Xubno ka tirsan Ururka Al-Shabaab dhowrkii sano ee la soo dhaafay.

Advertisemen

Saraakiil ka tirsan Ciidamada ay dowladda Soomaaliya geysay Gobolka Gedo ayaa sheegay inay howlgalka inta uu socday ay si nabad ah kula wareegeen degaanka Tuulo Barwaaqo iyo degaano kale, halkaas oo ay ku sugnaayeen Xubno ka tirsan Al-Shabaab.

Sidoo kale waxaa ay sheegeen saraakiisha inay weli howlgallada sii wadayaan, ayna doonayaan inay la wareegaan degaannada kale oo ay ku sugan yihiin Ururka Al-Shabaab.

Todobaadyadii la soo dhaafay ayaa Ciidanka dowladda waxaa ay howlgallo ka wadeen degmada Garbahaareey iyo degaano hoostaga, halkaas oo lagu qabanayo doorashada Xildhibaannada Golaha Shacabka.

Office Nairobi kenya

_____________________________________________________________________________________