Isniin: November 8, 2021
Dadka aan Muslimka ahayn waxaa loo ogolaan doonaa in ay guursadaan, furaan oo ay si wadajir ahna u qaataan mas’uuliyadda ilmaha sida uu dhigayo sharciga madaniga ah ee Abu Dhabi.
Sida ku cad wareegto cusub oo la shaaciyay Axaddii ayaa wakaaladda wararka ee Reuters oo soo xiganaysa wakaaladda wararka dawladda ee WAM sidaasi sheegtay.
Wareegtada ka soo baxday Abu Dhabi, Sheikh Khalifa bin Zayed al-Nahayan, ahna madaxweynaha dowladda Isutagga Imaaraatka Carabta, ayaa lagu sheegay in sharcigan uu quseeyo guurka madaniga ah, furriinka, masruufka, xannaanada wadajirka ah ee carruurta iyo cadeynta aabbanimada iyo dhaxalka.
Go’aanka dowladda ayaa waxaa soo dhaweeyay dad badan oo aan Muslimiin ahayn.
Dib-u-habayntan, oo ay weheliso tallaabooyin ay ka mid yihiin soo bandhigida fiisaha muddada-dheer, ayaa loo arkay in ay tahay hab ay dawladda Khaliijka ku soo jiidanayso maalgashiga shisheeye, dalxiiska iyo degenaanshaha muddada dheer.
BBC
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
