Jimco: July 2, 2021
Wararka ka imaanaya magaalada Gobolka Galgaduud, ayaa sheegaya in Al-shabaab la wareegtay tuulo kaabiga ku haysa degmada Guriceel ee Gobolkaasi.
Dabley hubaysan oo ka tirsan Al-shabaab, ayaa la xaqiijiyay in ay saaka aroortii gudaha u galeen tuulada Af-Cagaag oo qiyaastii 16km u jirta degmada Guriceel ee Gobolka Galgaduud.
Dadka degaanka ayaa laga soo xigtay in Al-shabaab ay dagaal la’aan ku wareegtay tuulada Af-cagaag, kadib markii ciidamada Galmudug ay halkaas isaga baxeen, ka hor inta aysan Shabaab qabsan.
Sidoo kale, Al-shabaab ayaa todobaad ka hor qabsaday tuulada Dabarre oo 30km u jirta degmada Guriceel.
Maamulka Galmudug ayaan dhankiisa wax war ah ka soo saarin dhaqdhaaqyada Al-shabaab ka waddo Gobolkaas Galgaduud.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
