April 30-2021
Waxaa caawa Fariin loo diray Xildhibaannada golaha shacabka oo lagu wargelinayo in ay beri oo sabti ah ay soo xaadiraan kalfadhiga golaha shacabka ee baarlamaanka Soomaaliya.
Kulanka ayaa la filayaa inuu hortago madaxweynaha muddo xileedkiisu dhammaaday ee Maxamed Cabdullaahi Farmaajo, isagoona xildhibaannada u jeedin doono khudbad uu kaga hadlayo xaalada uu xiligan marayo dalka iyo khalalaasihiii ka dhacay magaalada Muqdisho.
Fariinta loo diray xildhibaannada ayaa u qorneed sidan:-.
“M.ne Xil Beri oo Sabti ah oo ay Tar 1da MAY, waxaa jira Kulan Gaar ah.
Agendaha
- Hadal Jeedinta Madaxweynaha JFS
Saacadu waa 09:00 subaxnimo.”.
Shaki badan ayaa laga muujinayaa kulanka beri ay yeelanayaan xildhibaannada golaha shacabka, islamarkaana uu ku hortagayo Madaxweyne Farmaajo.
Sidoo kale Xildhibaannada golaha shacabka ayaa lagu wadaa in ay beri ka laabtaan go’aankii ay dhawaan ku meelmariyeen sharciga Jiheynta doorashooyinka.
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
