February 21, 2021
Inaa Lillaah Waa Innaa Ileyhi Raajicuun, waxaan guud ahaan shacabka Soomaaliyeed, gaar ahaan qoyskii ay ka baxday iyo bahda fanka uga tacsiyeynayaa geerida naxdinta leh ee ku timid fanaanad qaran Faaduma Cali Nakruuma.
Ilaahay ha u naxariistee Faadumo Cali Nakruuma ayaa kamid aheyd gabdhihii ugu horreeyay ee ku biiray ciidanka qalabka sida ee xoogga dalka, oo ay uga sii wareegtay fannaaniintii ciidanka xoogga, kahor inta aysan noqon mid kamid ah hoboladii ugu waaweynaa ee kooxdii fanka ee Waaberi. Waxeyna sanadihii burburka kadib aad isugu howshay inay bulshada Soomaaliyeed ku guubaabiso, kuna dhiirri-geliso dib-u-dhiska dalkooda, si ay dib ugu soo ceshadaan qarannimadoodii luntay.
Waxaan weli xusuustaa talooyinkii dhaxal-galka ah ee Nakruuma iisoo jeedin jirtay, iyada oo markasta oo aan fursad isku helno inta badan igala hadli jirtay arrimo la xiriira wax u qabashada danyarta, gaar ahaanna agoontii ay ka tageen abwaaniintii iyo fanaaniintii qaranka ee geeriyooday
Xafiiska Wararka Qaranimo Online
Office Nairobi Kenya
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
