Maxkamadda Gobolka Hiiraan oo siideysay dad u xirnaa laamaha Amniga

____________________________________________________________________________

Muqdisho | QOL | February 11 2021–Maxkamada Gobalka Hiiraan ayaa maanta oo Khamiis ah siideysay 7 Ruux oo horay laamaha Ammanka magaalada Beledweyne u xireen, kuwaas oo dambi lagu waayay.

Todobada Ruux ayaa kala ah 4 Rag ah iyo Saddex Haween ah, waxaana muddo todobaadyo ah ay ku xirnaayeen Xarumaha kala duwan ee laamaha Amniga ku leeyihiin Magaalada Beledweyne.

Kiiska Dacwad ciqaabeedka dadkaasi loo heestay ayaa ahaa kicin dadweyne, dhowr maalin ka hor ayeeyna maxkamadda dhageeysatay kiiska dacwada dadkaasi loo heestay.

Guddoomiyaha maxkamadda gobolka Hiiraan Cabdiraxiin Taakooy ayaa go’aanka maxkamadda ku dhawaaqay, waxuuna carabka ku dhuftay in dadkaasi aysan dhameestirneyn eedda loo heestay isla markaana waafaqsaneyn heerka ciqaabta Soomaaliyeed iyo heerka garsoorka, Qodobka 122aad dambi la’aanta, sidaas daraadeedna xeerka ciqaabta inay maxkamadda dadkaasi kusii deeysay.

Dadka Maanta Maxkamadda Gobolka Hiiraan ay siideysay ayaa waxaa ay Magacyadooda kala yihiin.

Cali Daahir Xeroow, Xasan Cabdi Guure, Maryan Aadan Hilowle, Cabdiraxmaan Cabdullaahi Cilmi, Deeqo Cabdi Waare iyo Xasan Cabdiraxmaan Maxamed.

Dadka laamaha Amniga Magaalada Beledweyne ay xir xireen ee Maanta la siidaayay ayaa qaarkood waxaa ay taageero u muujiyeen Janeraal xuud oo maleeshiyaad hubeysan ku heysta degaanka Ceel-gaal ee duleedka Beledweyne, iyaga oo kasoo horjeeda Maamulka Cusub ee Hir-Shabeelle ee uu Madaxweynaha ka yahay Cali Cabdullaahi Xuseen Guudlaawe.

Hoos Ka Akhriso Qoraalka Maxkamadda ee dadka lagu siidaayay.