Muqdisho | QOL | February 03, 2021–Wararka ka imaanaya Dalka Afghanistan ayaa sheegaya in la dilay Garsoore Maxkameed, kadib weerar gaadmo ah oo ka dhacay bariga magaalada Jalalabad Maanta oo Arbaca ah, waana sarkaalkii saddexaad oo la dilo wax ka yar bil gudeheed, sida la soo xigtay booliska.
Xaakimka Maxkamadeed ee la weeraray oo lagu magacaabi jiray Hafizullah ayaa kusii jeeday xaafiiskiisa, sida uu sheegay Farid Khan oo afhayeenka bilayska gobolka Nangarhar ee Dalka Afghanistan.
Gulzada Sangar, oo ah dhaqtar ka howlgala isbitaalka dadweynaha ee magaalada Jalalabad ayaa sheegay in maydka Hafizullah uu qabo dhaawacyo badan oo rasaas ah.
Dhowr garsoorayaal maxkamadeed oo reer Afgaanistaan ah ayaa lagu khaarijiyay weerarada maalinlaha ah weerarada mahlignimada ah ee Dalkaasi ka socda.
Dilalka qorshaysan oo loo adeegsanayo bambooyinka laga hago meelaha fog-fog ee lagu xiro gawaarida ayaa noqdeen xeelado ay doorbidaan kooxaha kacdoonka in ay la beegsadaan xumnaha ugu muhiimsan dowlada tabarta daran ee Afghanistan mudooyinkiii ugu dambeeyay.
Arbacadii hore nin boolis ah ayaa lagu dilay seddex kalena waa lagu dhaawacay Kabul bambo lagu xiray gaarigooda. Afar qarax oo isku mid ah oo bambooyin ah ayaa ka dhacay caasimada Afghanistan Talaadadii, halkaasi oo lagu dilay mid kamid ahaa wadaad caan ah.
Dilka wadaadka la dilay oo lagu magacaabay Mohammad Atif ayaa markii dambe waxaa sheegatay kooxda jihaadiga ah ee Daacish, sida ay sheegtay kooxda dabagalka Afghanistaan ee SITE.
IS ayaa sheegatay qaar ka mid ah dilalka bartilmaameedka ah ee ka dhacay caasimada Afghanistan, laakiin saraakiisha dowlada ayaa ku eedeynaya kooxda Taliban dilalka.
Dhanka kale, afar ka tirsan ciidamada amniga ayaa lagu dilay xalay qarax loo adeegsaday gaari waxyaabaha qarxa laga soo buuxiyay oo lala eegtay xero militari oo ku taal gobolka Uruzgan ee koonfurta, sida uu wariyeyaasha u sheegay Mohammad Omar Shirzad.
xafiiska Wararka Qaranimo Online |
______________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
