Mogadisho | QOL | August-06-2020-WMadaxweynaha Dowlad Goboleedka Koonfur Galbeed Cabdicasiis Xasan Maxamed (Lafta-gareen) ayaa ka tacsiyadeeyay Saraakiishii Iyo Ciidankii ku geeriyooday dagaalkii ka dhacay deegaanka Deynuunaay ee gobolka Baay.
Madaxweyne Cabdicasiis Lafta-gareen ayaa si gaar ah ugu tacsiyadeeyay Ehalada iyo Shacabka Koonfur Galbeed geerida Saraakiishii ka mid noqday ciidankii ku dhintay weerarkii Al-Shabaab ku qaadeen degaanka Deynuunaay.
Innaa Lilaahi wa innaa ilayhi raajicuun. Alle ha u naxariisto dhammaan Saraakiishii iyo Ciidamadii ku shahiiday dagaalkii dhacay deegaanka Deynuunaay, Saraakiisha iyo Ciidamada geeriyooday waxa ay ahaayeen naftood hurayaal maalin iyo habeen u taagnaa difaaca dadkooda iyo dalkooda ayuu yiri” laftagareen.
Sidoo kale Madaxweynaha Koonfur Galbeed waxaa uu sheegay in shacab iyo ciidanba laga doonayo in loo midoobo Al-Shabaab oo maalin walba doonaya in ay daadiyaan dhiiga shacabka, burburiyaan hantidooda, barakiciyaana maatida sida uu hadalka u dhigay.
Ugu dambeyn waxaa uu sheegay Madaxweynaha Koonfur Galbeed in sugidda nabadgalyada ay tahay mas’uuliyad saaran ciidamada iyo hay’adaha amniga, shacabkuna ay gacan ka geystaan sugidda nabadgelyada.
Xafiiska Wararka Qaranimo Online | _______________________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
