Mogadisho | QOL | July 08 2020–Ku dhowaad 200 oo askari oo ka tirsan Ciidamada Booliska gaarka ah ee Harmacad kuna sugnaa Magaalada Dhuusamareeb ee Caasimadda Galmudug ayaa goordhow halkaasi laga soo qaaday.
Soo daad gureynta Ciidamaan ayaa waxaa ay ka dambeeysay kadib dalab ka yimid Madaxweynayaasha Maamulada Jubbaland iyo Puntland oo shuruud ka dhigay bixitaanka Ciidamada si ay kaga soo qayb galaan Shirka Dhuusamareeb.
Ciidamada Haramcad oo ah Booliska sida gaarka ah u tababaran ayaa waxaa Magaalada Dhuusamareeb la geeyay xilligii ay ka socdeen howlaha doorashooyinka,waxaana ay sidoo kale ka qeyb qaateen dagaalkii Ahlusunna looga saaray Magaalada Dhuusamareeb.
Magaalada Dhuusamareeb ayaa waxaa kusii qul qulaya wufuud kala duwna oo ka socda Dowlad Goboleedyada,waxaana gaaray Madaxweynaha Hir-Shabeelle Maxamed Cabdi Waare.
Xafiiska Wararka Qaranimo Online | Muqdisho
_______________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
