Muqdisho | QOL | October14–2019 —Guddoomiyaha gobolka Banaadir ahna duqa magaalada Muqdisho mudane Cumar Maxamud Maxamed (Cumar Filish) iyo guddoomiye ku-xigeenada maamulka gobolka Banaadir oo ka qeyb galay kulankan baroor diiqda ah ayaa bulshadii isugu soo baxday isgooska 14-October ku dhiiragaliyay mowqif kooda ku aadan la-dagaalanka Al-Shabaab.
Dadka goobta ka hadlay waxaa qeyb ka ah Ayaan Maxamed oo kamid ah dhallinyarada Soomaaliyeed islamarkaana ciidamada qalabka sida ee qaranka ku biirtay kadib dhacdadii 14-October 2017 lagu xasuuqay kumanaan shacab.
Guddoomiyaha ururka Haweenka gobolka Banaadir Jawaahir Baarqab waxa ay ugu baaqday shacabka Soomaaliyeed in ay si wadajir ah ula dagaalamaan Al-Shabaab.
Guddoomiyaha gobolka Banaadir ahna duqa magaalada Muqdisho mudane Cumar Maxamud Maxamed (Cumar Filish) oo fagaaraha isgooska 14-October Ex-Soobe kula hadlay kumanaanka ee qof ee isku soo baxay ayaa waxa uu sheegay in dhacdadii goobtani ka dhacday laga bartay sida ay Shabaab u diidan yihiin nolasha iyo jiritaanka Soomalinimada waa sida uu hadalka u dhigay.
Isu-soo baxaii baroordiiqda aheyd ee Maanta lagu qabtay Isgoyska Soobe ayaa waxaa Maanta tegin oo ka baaqday Madaxda ugu sareysa dalka sida Madaxweyne Farmaajo iyo Ra’iisul Wasaare Kheyre.
Xafiiska Wararka Qaranimo Online | Muqdisho
____________________________________________________
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
