Muqdisho | QOL August 16, 2019 —Guddoomiyaha Guddiga qaban qaabada Shirka dib u heshiisiinta Beelaha dega deegaannada Galmudug Cabdiraxmaan Maxamed Cabdullaahi (Baadiyoow) ayaa sheegay in Guddigooda ay diyaariyeen dhamaan waxyaabihii muhiimka u ahaa qabsoomida shirkaas.
Waxaa uu sheegay in dhinacyada,hoolka shirka, Agabka la isticmaalayo, iyo amniga intaba la diyaariyay,isla markaana kaliya ay harsan tahay in shirkaasi uu qabsoomo 17 Bishaan oo ku beegan Berri oo Sabti ah.
Sidoo kale waxaa uu hadalkiisa intasi ku daray in dhamaan ay soo gaareen liiska ergada Beelaha dega deegaannada Galmudug uga qyeb galaya Shirka dib u heshiisiinta Galmudug, hayeeshee kaliya ay harsan tahay in dadkaasi la soo daabulo lana keeno magalada Dhuusamareeb.
Hadalka Guddoomiyaha Guddiga qaban qaabada Shirka dib u heshiisiinta Beelaha dega deegaannada Galmudug Cabdiraxmaan Maxamed Cabdullaahi (Baadiyoow) ayaa kusoo aadaya xilli shalay mid ka mid ah Beelaha dega Galmudug ay dalbadeen in shirka dib loo dhigo ilaa inta uu ka dhamaanayo shir uga socdo degmada Hobyo ee Gobolka Mudug.
Xafiiska Wararka Qaranimo Online | Muqdisho
________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
