Muqdisho | QOL July 01, 2019—Madaxweynihii hore ee Soomaaliya Xasan Sheekh Maxamuud ayaa ka hadlay khilaafka u dhaxeeya dowladda Federaalka iyo dowlad Goboleedyada iyo sidoo kale dagaal beeleedyada kasoo cusboonaday deegaano ka tirsan gobolka Hiiraan.
Isaga oo la hadlayay Idaacadda Voa-da laanteeda Afka Soomaaliga ayuu sheegay in weli uu jiro kala shaki ka dhex jiro dowladda Federaalka iyo Maamul Goboleedyada,hayeeshee loo baahan yahay in taasi ay meesha ka saaraan Madaxda Dowladda Federaalka,isla markaana ay xaliyaan tabashooyinka dowlad goboleedyada.
Waxa uu sheegay in Maamul goboleedyada uu Dastuurka siinayo awood dheeraad ah sidoo kalena dowladda si la mid ah uu siinayo,hayeeshee dowladda soomaaliya ay faragelin ku heyso Maamulada dalka ka jira koontoroolna ay ku heyso gaar ahaan xilliyada ay doorashooyinka dhacayaan.
Dhinaca kale Madaxweynihii hore ee Soomaaliya Xasan Sheekh Maxamuud yaa wax laga xumaado ku tilmaamay dagaal beeleedyada khasaaraha geystay ee ka socda deegaano hoostaga degmada Matabaan ee Gobolka Hiiraan,waxaana uu ugu baaqay waxgaradak deegaanada Gobolada Hiiraan iyo Galgaduud inay ka qeyb qaataan joojinta dagaaladaas
Xafiiska Wararka Qaranimo Online | Muqdisho
_________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
