Ciidammada Xoogga Dalka Soomaaliyeed ayaa maanta maleeshiyada Alshabaab ka xoreeyay deegaanka Sabiib ee gobolka Shabeellada Hoose.
Ka dib dagaal muddo kooban socday oo ay la galeen maleeshiyada kooxda argagixisada ah ee Alshabaab, ayay komaandoosta Danab ee Xoogga Dalku ku guuleysteen in ay deegaanka Sabiib ka eryaan Alshabaab.
Ciidanka ayaa sidoo kale gacanta ku dhigay gaari booyad ah oo argagixisadu kasoo buuxiyaan walxaha qarxa, qiimeyn eey sameeyeen qubarada yaqaana walxaha qarxa ayaa waxaa ay sheegeen in uu ahaa qaraxii ugu weynaa ebed ay diyaareen argagixisada Alshabaab.
Waxaa sidoo kale la sheegay qarax lagu waday magaalada Muqdisho, laguna wax yeeleeyo shacabka Soomaaliyeed
Ciidanka Xoogga ayaa gacanta ku soo dhigay tiro ka tirsan maleeshiyadii u dagaallameysay argagixisada Alshabaab.
Ciidammada Qaranka ee dalkeenna, ayaa ku howlan in ay cadowga ku baacsadaan goobaha ay ku harsan yihiin, si aysan u helin gabbaadyo ay ka soo abaabulaan falalkooda argagixiso.
Dowladda Soomaaliya, waxaa ka go’an in ay argagixisada ka xoreyso goobaha ay dalka uga harsan yihiin, si bulshada Soomaaliyeed ugu naallooto nabad iyo xasillooni
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
