Diyaarado dagaal ayaa waxaa ay duqeyn ka fuliyeen deegaano hoostaga degmada Bu’aale ee Gobolka Jubbada Hoose Maamulka Jubbaland, halkaas oo ay gacanta ku hayaan Xubno ka tirsan dagaalamayaasha Ururka Al-Shabaab.
Maamulka Jubbaland ayaa sheegay in Duqeynta laga fuliyey degmada Bu’aale iyo deegaanka Jabi ee Gobolka Jubbada Hoose,isla markaana khasaaro lagu gaarsiiyey Xubno ka tirsan Ururka Al-Shabaab waa sida uu hadalka u dhigeen.
Afhayeenka Wasaaradda Amniga ee Maamulka Jubbaland Cabdi Nuur Ibraahim Xuseen ayaa sheegay in duqeynta sigaar ah loola beegsaday xero ay degmada Bu’aale ku leeyihiin Al-Shabaab,isla markaana lagu dilay Xubno uu ka mid yahay Sarkaal ka tirsanaa Al-Shabaab una dhashay dalka Kenya.
Sidoo kale waxa uu sheegay in Maamulka Jubbaland uu ku howlan yahay baarista duqeyn Xalay lala eegtay Saldhigyo Al-Shabaab ku leeyihiin tuulooyin hoostaga degmada Bu’aalo oo uu sheegay in qaarkood gawaari lagu gubay.
Al-Shabaab dhankooda weli kama hadlin warkaan kasoo yeeray Wasaaradda Amniga Jubbaland taas oo ku aadan in duqeyn ka dhacday tuulooyin hoostaga degmada Bu’aale khasaaro lagu gaarsiiyey Al-Shabaab.
Xafiiska Wararka Qaranimo Online | Muqdisho
______________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
