Muqdisho | QOL | Diseembar 25, 2018 –Guddoomiyaha Baarlamaanka Maamulka Jubaland Cabdi Maxamed C/Ramaan ayaa beeniyay eedeyn ay u jeedisay Xildhibaanad Khadiija Aadan Cabdi oo ka mid ah Baarlamaanka Jubaland.
Xildhibaanad Khadiija ayaa sheegtay in nafteeda ay kala soo baxsatay Magaalada Kismaayo ee Xarunta Gobolka Jubada hoose kaddib markii ay handadaad kala kulantay maamulka Jubaland.
Waxaa ay sheegtay in beelaha qaar ee Jubaland aad loo takooro islamarkaana aan la oggoleyn in ay sameyn ku yeeshaan siyaasadda Jubaland.
Guddoomiyaha Baarlamaanka Jubaland ayaa waxaa uu sheegay in dhamaan eedahaas ay yihiin waxba kama jiraan Xildhibaannada iyo xubnaha kale ee Maamulka Jubaland ay si wanaagsan u wada shaqeeyaan.
Waxaa uu meesha ka saaray in ay jiraan Beelo si gaar ah loo takooro isaga oo sidoo kale sheegay in Maamulka iyo dadka degaannada Jubaland ay si wadajir ah u shaqeeyaan.
Xafiiska Wararka Qaranimo Online | Muqdisho
_______________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
