Muqdisho, Nofeembar 09, 2018 —Kusimaha Madaxweynaha Jamhuuriyadda Federaalka Soomaaliya Ahna Guddoomiyaha Golaha Shacabka Maxamed Mursal Sheekh Cabdiraxmaan ayaa cambaareeyay weerarkii Galabta ka dhacay Isgoyska Km4 gaar ahaan hotelka Saxafi.
Waxa uu u tacsiyeeyay Qoysaskii Ehelkooda ku dhinteen Qaraxyadaas, isaga oo sidoo kale alle ugu baryay in uu caafimaad deg deg ah siiyo dadkii dhaawacmay.
“Anigoo ku hadlayay Magacayga iyo kan madaxweynaha Jamhuuriyadda waxaan cambaareynayaa falkii argagixisinimo ee galabta dhacay,dadkii ku geeriyooday Naxriistii jano Allaha haka waraabiyo kuwii uu dhaawac soo gaareyna Caafimaad deg deg ah allaha ha siiyo” Ayuu yiri Guddoomiyaha Golaha Shacabka.
Kusimaha Madaxweynaha Jamhuuriyadda Ahna Guddoomiyaha Golaha Shacabka ayaa Al-Shabaab ku eedeeyay in ay Beegsadaan dadka aan waxba galabsan, isaga oo tusaale ugu soo qaatay weerarkii Galabta.
Ciidamada Dowladda waxa uu ku amaanay sida ay ugu jawaab celiyeen Weerarkii maanta ka dhacay Magaalada Muqdisho, isaga oo ku sifeeyay in ay naftooda u hureen.
Hay’adaha Ammaanka waxa uu faray in ay adkeeyaan sugidda ammaanka kana hor tagaan Falalka amniga Liddiga ku ah sida uu sheegay.
“Waxay dad Shacab ah qarxiyeen iyadoo ay tahay maalin jimca ah oo ah maalin ka duwan maalmaha kale sidoo kale ay ciid u tahay dhamaan dadka muslimiinta ah waa koox caadeysatay daadinta dhiiga Shacabka Soomaaliyeed,waxaana dadka Soomaaliyeed ugu baaqayaa in ay u midoobaan la dagaalanka kooxaha Argagixisada ah” Ayuu yiri Kusimaha Madaxweynaha Ahna Guddoomiyaha Golaha Shacabka.
Qaraxyadii Salaadii Casir ee Galabka ka dhacay inta u dhaxeysa Hotel Saxafi iyo Isgoyska KM4 waxaa ku dhintay dad ku dhow 30-ruux, halka tiro kalena ay ku dhaawacmeen sida laga soo xigtay Saraakiisha Caafimaadka.
W/Q:-Bashiir Barre Ali
Xafiiska Wararka Qaranimo Online | Muqdisho
______________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
