Muqdisho | QOL | August 15, 2018 – Waxaa maanta Magaalada Kismaayo oo ee Xarunta Gobolka Jubbada Hoose dib ugu laabtay Madaxweynaha Maamulka Jubbaland Axmed Maxamed Islaam (Axmed Madoobe) iyo wafdi uu hogaaminayo oo ku maqnaa safar dibada ah.
Madaxweyne Axmed Madoobe markii uu ka degay Kismaayo waxa uu ka hadlay arrinta la xiriirta saraakiishii shalay lagu xiray Garoonka diyaaradaha Kismaayo,kuwaasi oo dowladda Federaalka u magacawday Taliyeyaasha hay’adda Nabadsugida Jubbaland.
Waxa uu sheegay in dowlada Soomaaliya aysan Jubbaland kala tashanin soo Magacaabista Taliyeyaasha,isla markaana sheegay in dowladda ay qeyb ka tahay Amnidaradda ka jirta dalka Soomaaliya waa sida uu hadalka u dhigay.
Waxa uu madaxda Dowladda ku eedeeyey in wadatashi la’aanta ay ka hor imaaneyso heshiiskii horay ula saxiixdeen Dowlada federaalka Soomaaliya.
Sikastaba waxaa haatan socda dadaalo lagu xalinaayo khilaafka ka dhashay saraakiishii shalay lagu xiray Garoonka diyaaradaha Magaalada Kismaayo,kuwaas oo dowladda Soomaaliya u magacaawday Taliyeyaasha Hay’adda Nabadsugida jubbaland.
.
.
.
Xafiiska Wararka Qaranimo Online | Muqdisho
__________________________________________________
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
