Muqdisho | QOL | August 14, 2018 – Hawlgalka Qaramada Midoobay ee taageerada Soomaaliya UNSOM iyo Xafiiska wakiilka sare ee xuquuqda aadanaha ayaa shalay oo Isniin aheyd ku baaqay in la qaado tallaabooyin looga hortagayo inay xad gudubyo ka dhacaan doorashada soo socota, kuwaasi oo ka dhan ah xuquuqda aadanaha.
Warbixin cusub oo ay soo saartay QM ayaa waxa ay ku talisay in laga faa’ideysto horumarka muhiimka ah ee geeddi-socodka nabadda, islamarkaana aanay markale dhicin xad gudubyadii dhacay doorashadii 2016-2017-kii.
Sidoo kale warbixinta ayaa waxa ay sheegtay inay xad gudubyo geysteen ciidanka NISA iyo Booliska oo qeyb ka ah ciidamada ammaanka iyo Ururka Al Shabaab, intii lagu guda jiray Doorashooyinkii Baarlamaanka iyo midii Madaxtooyada 2016-2017.
Qaramada Midoobay ayaa waxay kaloo warbixinteeda ku sheegtay in la dilay 44 ruux oo isugu jira kaabe Qabiillo iyo ergadii doorasho ee waqtigaas, kuwaasi oo ay ku jiraan Saddex Dumar ah.
Wakiilka gaarka ah QM ee Soomaaliya Michael Keating ayaa ka codsaday mas’uuliyiinta Soomaaliya in ay dhistaan nidaam wakiil oo ay ku jiraan dhammaan muwaadiniinta, iyada oo ku saleysan mabda’a hal qof oo hal cod ah, oo wajahaya doorashooyinka la qorsheeyay 2020-2021.
.
W/Q:-Bashiir Barre ALI
Xafiiska Wararka Qaranimo Online | Muqdisho
_______________________________________________________
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
