Muqdisho | QOL | Luuliyo 29, 2018 — Shirka Golaha Wasiirada ayaa lagu wadaa in markii u horeysay todobaadkan uu ka dhaco magaalada Garowe ee xarunta Puntland, iyadoo saaka wafdi uu hoggaaminayo Ra’iisul Wasaare Xasan Cali Kheyre uu ku wajahan yahay.
Sida wararku sheegayaan wafdi horu dhac u ah Ra’iisul Wasaaraha ayaa shalay gaaray magaalada Garowe, kuwaasoo isugu jira Wasiiro iyo Xildhibaano.
Diyaar garow ku aadan soo dhoweynta wafdiga Ra’iisul Wasaaraha ayaa ka socota magaalada Garowe, waxaana faras-magaalaha la suray sawirka Ra’iisul Wasaaraha.
Garoonka Diyaaradaha Garowe ayaa waxaa ku qulqulaya Mas’uuliyiinta Puntland iyo dadweyne fara badan, si ay uga qeyb qaataan soo dhoweynta wafdiga Ra’iisul Wasaaraha.
Shirka Golaha Wasiirada ee todobaadkan ka dhacaya magaalada Garowe ayaa looga hadlaya xaalada dalka, sanadkii hore ayay aheyd markii shirkii Golaha Wasiirada lagu qabtay magaalada Kismaayo.
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
