Muqdisho | QOL | June 10, 2018 – Ilaaladda Xeebta ee dalka Liibiya waxay sheegeen inay qabteen 2 dooni oo ay la socdeen in ka badan 150 Tahriibayaal isugu jiray Afrikaan iyo Carab, mana jirto wax faahfaahin ah oo uu ka bixiyey dalalka ay Tahriibayaasha ka soo jeedaan, isagoo ku gaabsaday inay isugu jiraan Carab iyo Afrikaan.
Afhayeenka Ilaaladda Xeebaha dalkaasi, Ayuub Qasiim oo la hadlay Wakaalladda Wararka XINHUA ayaa sheegay in mid ka mid ah Tahriibayaasha u badan tahay inuu ku degay Badda.
Waxa uu tilmaamay in doonida Koowaad lagu qabtay meel 32 KM u jirta Xeebta Degmadda Zuwara oo Galbeed ka xigta Caasimadda dalkaasi ee Tripoli, iyadoo doonida Labaad lagu qabtay meel 32 KM u jirta Xeebta Degmadda Garabuli ee Bariga kaga toosan magaalladda Tripoli.
Afhayenka waxa uu sheegay in Tahriibayaasha la soo qabtay lagu hayo Saldhig ay Ciiddanka Badda ku leeyihiin Tripoli, iyagoo la siiyey taageero Dawao iyo Samafal kale.
Afhayeenka Ilaaladda Xeebaha Liibiya waxa kale oo uu sheegay inay Tahriibayaashaasi u gacan geliyeen Waaxda La-dagaalanka socdaalka sharci-darradda.
.
W/Q:-Bashiir Barre ALI
Xafiiska Wararka Qaranimo Online | Muqdisho
___________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
