Muqdisho | QOL | May 21, 2018 – Gudoomiyaha gobolka Awdal Cabdiraxman Axmed Cali ayaa sheegay in ilaa shan iyo toban qof ay ku dhinteen daadad iyo roobaba dabaylo watay oo ku dhuftay 24-kii saac ee la soo dhaafay degaanno ka tirsan gobolka Awdal.
Dadka dhintay badankood ayaa waxa ay ku sugnaayeen degmooyinka Lughaya iyo Baki .
Gudoomiyuhu wuxuu BBC-da u sheegay in degaanada qaarkood ay daadadku la tageen beero badan saracoodii iyo agabkiiba , iyadoo wararka hordhaca ahi sheegayaan xoolo badan oo ari iyo geel u badan ay ku dhinteen roobabkaasi xooggan.
Magaalada Zaylac ayaa iyana dadkii laga daadgureeyay shalay laakiin aan wax dhimasho ah laga soo sheegin ilaa iyo haatan dooxyada ku dhow zaylac ayaa daadadku ku qaadeen gaadiid .
Wararka ayaa sheegaya gurmad ay wadaan xukuumada somaliland iyo hay’adaha caalamiga ahi oo haatan la bilaabay in la gaarsiiyay dadweynaha khasaaruhu ka soo gaaray roobabka iyo daadadka.
.
W/Q:-Bashiir Barre ALI
Xafiiska Wararka Qaranimo Online | Muqdisho
________________________________________________________
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
