Shir Looga Hadlayay Abaaraha Oo Lagu Soo Gaba Gabeeyay Garoowe(SAWIRO)

____________________________________________________________________________

Muqdisho | QOL | March 17, 2018 —Shirkii wadatashiga qorshaha loogu samenayay soo kabashada u adkeysiga Abaaraha Soomaaliya ayaa maanta lagu soo geba gebeeyay Magaaladda Garowe ee Xarunta Dowlada Goboleedka Puntland, waxaana muddada shirka uu socday diiradda lagu saaray qodabo badan oo ay ka mid yihiin soo nooleynta ilaha dhaqaalaha iyo wax soo saarka, iyo qodabo kale.

Munaasabadda xiritaanka shirka waxaa goob-joog ka ahaa qaar ka mid ah Wasiirada maamulka Puntland , Agaasimaha Guud ee Wasaaradda qorsheynta iyo Agaasimiyaasha guud ee dowladdaha xubnaha ka ah dowladd Federaalka iyo madax kale.

Agaaasimaaha guud ee Wasaradda qorsheynta Jubbaland Cabdiwaaxid Maxamed Dhaqane ayaa sheegay in maamulada ay soo dhawenayaan wax ka qabashada abaaraha soo noq noqday.

“haddii aan nahay dowladdaha xubnaha ka ah dowladda dhaxe waxaan bogaadinayaa horumarka dowladda gobaleedka puntland, arinta hadii aan gudo galo waxaa inoo muuuqda in la soo qaaday talaabooyin waa wayn ee wax looga qabanayo abaarahan”.ayuu yari Agaasime Cabdiwaaxid

Cabdulqaadir Maxamed Aadan Agaasimaha Guud ee Wasaaradda Qorsheynta Dowladda Federaalka ayaa waxuu xusay in maanta ay muhiiim tahay in Soomaaliya ay qorsheyso sidii loo heli lahaa qorshaha kabasho u adkeysi abaaraha.

“maxsuulka shirkan laysku raacay waxaa ay yahiin qodobo dhowr ah oo ay ka mid yahiin soo nooleynta ilaha dhaqaalaha wax soo saarka dadka, halkaan jooga wax ay sameyn karaan qorshaha qaranka soomaaliyeed waa muraayada qaranka heer federaalka iyo mid dowladd gobaleed,marka waxaan sameynay afarta cisho ee aan halka joognay shaqooyin badan oo wax looga qabanayo abaarahan soo noq noqday, iyadoo layska qaadanayo warbaxintii ka soo baxday qiimeyntii ku saabsaneyd isla qaadayashada abaaraha soo noqday ee DINA.130 taalabo oo waa wayn ah ayaa wax looga qabaayaa soo kabahsada abaaraha, waxaana la eegayaa mudnaanta maamul walbo uu leeyahay”. ayuu yari Agaasime Maxamed Aadan

Wasiirka Qorsheynta dowladd Gobaleedka Puntland Shire Xaaji Faaray ayaa sheegay in maanta meel wanaagsan qaranka soomaaliyeed uu jooga uu ka hadlayo wax keenay abaaraha soo noq noqday.

“waxaa muhiiim ah in aan ogaanno wax soo cel celiyay abaaraha aan dursano hadii si wadajir ah howshan u qabaneyno waa muhiim si uu qarankeena u gaaro horumar iyo barwaaqo”.

Wasaaradda Qorsheynta iyo kuwa dowladd gobaleedyada waxaa ay wadaan dedaallo ku aadan sidii dalka loogu sameyn lahaa qorshe wax looga qabanayo abaaraha soo laab laabtay dalka.