Muqdisho | QOL | jJune 01, 2017—— Wareegto ka soo baxday Xafiiska Wasiirka Arrimaha Gudaha Dowlad Goboleedka Hirshabeelle Maxamed Cali Caadle ayaa xilalka looga qaaday guddoomiyaasha degmooyinka Mahaday iyo Cadale iyadoo guddoomiyaal cusubna uu magacaabay.
Guddoomiyihii hore ee degmada Mahaday Axmed Xuseen Afrax ayaa lagu bedelay guddoomiye Cabdulaahi Maxamed Xuseen (Geeldoox) halka guddoomiyihii hore ee degmada Cadale Muxidiin Suudi Macalin lagu bedelay Muuse Maxamed Axmed (Kali).
Wareegtadan ayaa sidoo kale waxaa xilalka looga qaaday dhamaam maamulkii degmada Cadale waxaana loo magacaabay;-
Xuseen Muxidiin Cabdulle Guddoomiye ku xigeenka arrimaha Amniga iyo Siyaasada,Cali Cabdulle Caddow guddoomiye ku xigeenka Maamulka iyo Maaliyada. Muqtaar Maxamuud Axmed guddoomiye ku xigeenka arrimaha bulshada iyadoo sidoo kale Xoghayaha Dowlada Hoose loo magacaabay Cabdi Xasan Maxamuud.
Waa markii ugu horeysay ee Wasiirka Arrimaha Gudaha uu xilalka ka qaado maamulo degmo. Dhowaan ayaa waxaa xilka laga qaaday guddoomiyihii hore ee degmada Balcad.
W/Q:-BASHIIR BARRE ALI
Xafiiska Wararka Qaranimo Online | Muqdisho
______________________________
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
