Faadumo Dayib oo laga saaray guddiga anshaxa doorashada

____________________________________________________________________________

Muqdisho (Caasimada Online) – Faadumo Qaasim Dhayib ayaa laga saarey liiska guddiga ilaalinta anshaxa iyo asluub-wanaagga ee doorashada madaxweynaha jamhuuriyadda federaalka ee Soomaaliya,

Faadumo Qaasim Dhayib oo la hadashay idaacadda Goobjoog ayaa ka warrantey sida ay u aragto sababta liiska looga saarey“Sababta Liiska la iiga saarey, waxaan u arkaa iney xoojineyso wal-wal-ka ay murashaxiinta iyo shacabka ka qabaan doorashada oo ah in doorashada u dhacdo ama in la yeelo sida dad qaar ay rabaan”

Faadumo oo sii hadleysa waxaa ay intaa ku dartey“Aniga keliya sababta 9-ka qof la iiga dhex saaray, waxaam is leeyahay waxaa la arkey in codkeyga dheer yahay, in doorashada aan ka dhigi doono mid hufan, In aan la ii gadan Karin oo an la ii aamnusin Karin”

Dhinaca kale, Caasimada Online waxaa ay la xiriirtey guddoonka baarlamaanka federaalka si arrintaas wax looga ogaado, guddoonka waxaa ay ka gaabsadeen in ka hadlaan.

Faadumo ayaa barteed facebook kusoo wadaagtay in xilka looga qaaday SMS farriin ah, oo markii horena lagu magacaabay.

Guddiga sida uu guddoomiyaha baarlamaanka sheegey 29-kii Janaayo waxaa loo dhisey hubinta habsami u socodka, daah furnaanta iyo bedqabka lagu hirgelinayo geedisocodka doorashada madaxweynaha jamhuuriyadda Soomaaliya.

Guddigan waxaa sidoo kale la doonayaa iney la xisaabtamaan baarlamaanka iyo guddiga doorashada madaxweynaha,

Liiska xubnihiisa waxaa ay ahaayeen sidan: