Muqdisho, October 9, 2016: Sida wararka nagu soo gaareen, Guddiga doorashooyinka dadban ee Soomaaliya, ayaa markale ku celiyay in la xaliyo cabashada ka imaanaysa siyaasiyiinta ka soo jeeda gobolada Waqooyi ama Somaliland.
Siyaasiyiinta Somaliland ee ku jira dowlada federalka ayaa cabasho ka keenay saami qeybsiga xubanaha golaha sare iyagoo ku dhowaaqay in ay qaadaceen Aqalka Sare ee Baarlamaanka ayaga oo ka midaysa arrintaas.
Avv Cumar Maxamuud Dhagey, Guddoomiyaha Guddiga Doorashooyinka Dadban, oo la hadlay warbaahinta ayaa ku baaqay in wax laga qabto tabashada dadka maamulka Somaliland degaanadooda ka soo jeeda, kuwaas oo beryahaan cabashadooda muujinayay.
Siyaasiyiinta Somaliland ayaa shalay shir jaraa’id ku qabtay magaalada Muqdisho waxa ay ku qaadaceen inay matalaad ku yeeshaan xubnaha aqalka sare ee Soomaaliya.
Qaadacaadaas, ayaa ku soo beegantay iyadoo shalay ay soo gudbiyeen maamul goboleedyada Puntland,Galmudug iyo Jubbaland xubnihii u meteli lahaa Aqalka Sare ee Baarlamaanka Soomaaliya, halka xubnihi siyaasiyiinta Somalland an weli waxba laga haynin.
——————————
Qaranimo Online | Muqdisho
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
