Muqdisho, August 31, 2016: Garoonka diyaaradaha Aadan Cadde ee magaalada Muqdisho ayaa ka mid noqonaya garoomada diyaaradaha ugu mashquulka badan Bariga Afrika, iyadoo uu ka soo kabanayo bur burkii ku dhacay
Garoonka Aadan Cadde, ayaa ka mid ahaa kaabayaasha dhaqaalaha ee ku bur buray dagaaladii sokeeye, garoonka ayaa xirnaa muddo 17-sano ah, iyadoo dib loo furay sanadkii 2006-dii markii Midowgii maxkamadaha islaamka ay la wareegeen Gobolada Koofurta iyo bartamaha Soomaaliya, xilligaasoo ay ka saareen Hoggaamiye kooxeedyadii.
Dad fara badan, ayaa aaminsan in garoonka diyaaradaha Muqdisho uu sameynayo horumar ballaaran oo la mid ah garoomada caalamiga ah, iyadoo sanadkii hore la dhisay Terminal cusub oo lagu soo kordhiyay garoonka diyaaradaha.
Garoonkaan, ayaa maalintii waxaa ka soo dega illaa 40 diyaaradoo oo isugu jira duulimaadyo gudaha dalka iyo kuwa caalamka.
Maalmaha Jimcaha, Axada Talaadada iyo Arbacada ayaa ah maalmaha ugu mashquulka badan, iyadoo maalmahaas garoonka daqiiqad daqiiqad ay u soo dagaan diyaarado kala duwan oo ka kala yimid meela kala duwan.
Jimcaha oo kale ayaa waxaa garoonka soo dega illaa labo kun oo qof, halka kun qof kale ay ka soo dhoofaan, sida ay xaqiijiyeen Saraakiisha garoonka diyaaradaha.
———————————
Qaranimo Online | Muqdisho
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
