Muqdisho,24 March 2016:Yuusuf Maxamed Siyaad Indha-cadde oo ka mid ahaa saraakiisha ciidamada Soomaaliya ayaa ka hadlay dagaalladii ciidamada Puntland iyo kooxda Al-Shabaab ku dhexmaray goballada Nugaal iyo Mudug.
Isagoo la hadlayay Idaacad maxalli ah oo ku taalla Muqdisho ayuu sheegay in uu aamisan yahay in Sirdoonka Somaliland iyo kooxda Al-Shabaab uu ka dhexeeyo xiriir weyn isla markaana dagaallamayaasha Shabaab ay tagaan xilli kasta magaalooyinka Berbera, Boorame iyo Hargeysa sidda uu hadalka udhigay.
Yuusuf Indha-Cadde ayaa tilmaamay in deegannada Somaliland ay muddo badan ku sugnaayeen hoggaamiyaasha Al-Shabaab ee ka dagaallama gobalka kale ee dalka.
Wuxuu ugu baaqay maamullada Galmudug iyo Puntland in ay dhammeeyaan khilaafka ka dhex jira isla markaana ay u diyaar-garoobaan dagaallada lagu jiro isla markaana aan fursad loo siiyo Shabaabka in ay soo weeraan goballada dalka.
Yuusuf Indha-Cadde ayaa ku celceliyay in sirdoonka Somaliland iyo Al-Shabaab uu xiriir ka dhexeeyo maadama qaar badan oo ka mid ah horjoogayaasha kooxda ay ka soo jeedaan deegannada Somaliland.
Si kastaba, hadalka Yuusuf Indho-Cadde ayaa ku soo aadaya iyadoo muddo ka badan toddobaad ay ku dagaaallamayeen ciidamada Puntland iyo kuwa Al-Shabaab.
—————————————–
Qaranimo Online | Muqdisho
_____________________________________________________________________________________Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
