Maanta oo kale 12 sano ka dib Geeridii Boqoradii Codka Magool

Muqdisho | QOL | March 24, 2016 – Maanta oo kale 24 Maarso 2004 oo ay ka soo wareegtay 12 sano waxa ay ku beegan tahay Maalintii lagu aasay Meydkeeda AUN Boqoradii Codka Xaliimo Khaliif Magool oo 19-3-2004 ku geeryootay Dalka Holland Halakasi oo ay mudo ku xanuunsaneyd.

Marxuumada  ayaa lagu aasay 24-3-2004 Qabuure ku yaala ceelasha biyaha ee u dhaxeeya Muqdisho iyo Afgooye, waxana aaskeeda ka soo qeybgalay dadweyne aad u fara badan.

Hadaba Waxaan idiin soo gudbineynaa warbixin aan uga hadleyno Doorkeedii fanka iyo Heesihuu ay ku caan baxday  Boqoradii Codka AUN Xaliimo Khaliif Cumar Magool.

AUN Xaliimo Khaliif Magool waxa ay deganeyd xaafada Taleex ee degmada Hodan waa la kulmay waana wareystay Sanadihii 90 meeyadii waxana ay  ii Sheegtay in Heesaha ugu Badan talantaaliga ay la qaaday AUN Cismaan Maxamed Cabdikariin’Gacalo’ sidoo kalana Fanaaniinta ay heesha Wada Qaadeen ay yihiin Fanaaniin Magac ku lahaa Fanka.

AUN Xaliimo Khaliif Cumar ‘Magool’ Heeso dabacsan iyo kuwa wadani ah ayey qaaday waxaana ay ka qeybgashay Ruwaayada fara badan iyadoo Ruwaayadahaasi qaarkood ay markaasi ka ahayeen Aktarka 1 iyo aktarada 1 ee dhinaca Heesaha AUN Marxuum Maxamed Saleebaan Tubeec oo ay bishaan oo kale ku kala geeryoodeen Wadamada Holland iyo Jarmalka, waxaan Ruwayaadihii ay ka dhex muuqdeen 2 Hobol ka mid ahaa Aabaheey Ka samraye Adiga oo uu sameeyay Abwaan AUN Maxamed Cali Kaariye iyo Ruwaayadii Jaceyl Boob Uma baahna oo uu sameeyay Abwaan Cabdulqaadir Cali Cigaal’ Ciro’.

Heesaha lagu Xasuusto Boqoradii Codka Xaliimo Khaliif Magool waxa ka mida iyo raga ay la qaaday Heesaha.

Marka hore fanaaniinta dhinaca Wiilasha o ay isla qaadeen Heesaha Talantaaliga waxaana ka mid ahaa

1. Maxamed Suleymaan Tubeec ‘Boqorkii Codka’
2. Xasan Aadan Samatar
3. Cusmaan Maxamed Cabdikariin ‘Gacanlo’
4. Maxamed Mooge Liibaan
5. Axmed Mooge Liibaan
6. Axmed Cali Cigaal
7. Cabdisalaad Aadan Beerdilaacshe
8. Axmed Good Shimbir
9. Xasan Diiriye Faarax
10. Maxamed Warsame Qasaali
11. Maxamed Axmed Kuluc
12. Cabdiqadar Xasan xuseen
13. Muuse Ismaaciil Qalinle

Heesaha ay la qaaday Fanaaniintaasi kuwii ugu Cadcadaa waxaa ka mid ahaa

1. Sida sida Aramida
2. Neyruus
3. Minankiina
4. Weyrax
5. Qormo
6. Amaantaada
7. U hub qaado meel kale
8. Dadnimada Aqoonso
9. Aan Is helno
10. Raxmad
11. Anba kula Mid baan ahay
12. Sida Canabka beeraha
13. Dhoof dhoof
14. Deeqo iyo Daahir
15. Boqorkii Quruxda
16. Dhoof Dhoof
17. Aqoon
18. Dalsan
19. Dhab U fiirso
20. Goroyo Cowl
21. Caashaqa ha baayicin
22. Imadadaali

Ma Macaatay Sheekadu. Heesta Miyaad oo uu sameeyay Alaha u naxariistee Abwaan Xuseen Ow Faarax Dubad ayey wada qaadeen Magool,Axmed Mooge,maryan Mursal iyo Cumar dhuule .

Sidoo kale Heesta wadaniga ah heesta la magacbaxday NIN ku siray Wax kuu sheeg ayey Wada qaadeen Magool,tubeec.salaad darbi iyo Seynab Cige. Heesaha Wadaniga ee lagu xasuusto AUN Xaliimo Khaliif Magool waxaa ka mida.Geesiga Birta ah,Africooy Hurudooy,Soomali dhooylaay,dulmi diidow oo ay wada qaadeen Magool,Haboon cabdulaahi iyo hanuuniye

Heesaha dabacsan oo ay caanka ku tahay magool aad bay u fara badan yihiin waxaana kuwa laga tilmaami karo ka mida

1. Jowhara luula
2. Subcis
3. Jaceyl dhiig ma lagu qoray
4. Banaadiri
5. Caashaqii ku dhaga tira
6. Kii dhabaa jaceylka
7. Aleylehe jaceylkii
8. Wabiyo Isku Ooman
9. Kal caano galeen
10. Armuu idiidaa
11. Raadkii jaceylka
12. Haboonow
13. Inaan Bogsadaan Is Moodaa
14. Masal guuro Caashaqu
15. Jaceyl igu ekaa
16. Shimbir
17. Day dayaa ma daalo
18. Jaaw Nabad galyo
19. iyo kuwa kale