Muqdisho, 8 December 2015: Sida wararka nagu soo gaareen nin hubeysan ayaa shalay gelinkii dambe toogasho ku dilay Faarax Warsame Cimi oo ahaa taliyah booliska degmada Cabduwaaq ee gobolka Galguduud.
Wararka laga helayo degmada Cabduwaaq ayaaa sheegaya in qofka dilka gaystay u xafiiskiisa ugu galay taliyaha isla markaana uu toogtay. Sidoo kale ninkii wax dilay oo meyd ah ayaa laga helay isla xafiiska taliyaha sida ay xaqiijiyeen goob-joogayaashu.
Ciidanka ayaa wada baaritaanno lagu ogaanayo in ninka dilay taliyaha uu is dilay isaguna ama in ay toogteen ilaalada xafiisku.
Qof goob joog aha,ayaa soo sheegay in baaritaanku uu wali socdo, isla markaana aanan wali la cadeyn in qofka wax dilay uu adeegsaday hub uu xafiiska ka helay iyo in isagoo hubeysan uu soo galay goobta.
——————————————–
Ali Omar Ghedi | Qaranimo Online | Muqdisho
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
