Muqdisho, November 05, 2015 – Ciidanka Nabadsugidda ee Maamul Goboledka Galmudug, ayaa soo furtay la heystayaal Iiraan u dhashay oo muddo 10 bilood ah afduub ahaan ay u heysteen Koox burcad badeed ah, kuwaa oo lagu hayay deegaanno ku teetsan Xeebaha Mudug.
Soo furashada dadkaan oo u dhashay Dalka Iiraan ayaa ka dambeysay howlgal ay sameeyeen Ciidamada Nabadsugida Maamulka Galmudug iyadoo ay ku guuleysteen in si nabdoon ay ku soo furtaan afarta ruux ee u dhashay dalka Iiraan oo horay loogu afduubtay xeebaha Soomaaliya iyo kooxihii afduubka u heystay.
Madaxweyne ku xigeenka Dowlad goboleedka Soomaaliyeed Maxamed Xaashi Cabdi oo la hadlay Radio Muqdisho ayaa sheegay in Ciidamada ay ku guuleysteen in si nabdoon ay u soo bad baadiyaan afar ruux oo u dhashay dalka Iiraan, waxaana arrintani uu ku tilmaamay in qeyb ay ka tahay qorshaha ay ku doonayaan in ay ciribtiraan Burcad badeeda Soomaaliya.
Afartan ruux ee u dhashay dalka Iiraan ayaa ahaa kaluumeysato muddo afduub loogu heystay deegaano ka tirsan Mudug iyo Galgaduud, waxaana kooxdii heysatay ay ka doonayeen lacag madax furasho ah.
.
———————————————–
Ali Omar Ghedi | Qaranimo Online | Muqdisho
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
