Muqdisho, October 28, 2015- Maamulka Puntland ayaa ka mamnuucay Diyaaradaha ka dega Garoonka Ushaka ee dhawaan laga furay Koofurta Gaalkacyo in aysan ka degi karin dhinaca Maamulka Puntland,waxaana ugu horeeyay Sharikad lahayd Diyaaraddii ugu horreeysay ee ka degtay Garoonka ay Galmudug ka furtay Gaalkacyo oo laga mamnuucay in ay ka degto dhinaca Puntland.
Warsaxafadeed kasoo baxay xafiiska wasiirka duulista hawada iyo garoomada Puntland ayaa lagu sheegay inay shirkadaan jabisay amarkii horey maamulka Puntland ugasoo saartay isticmaalka garoonka, kaasoo Puntland ku sheegtay inuu yahay garoon sharci darro ah oo qatar ku ah ammaanka iyo badbaada diyaaraddaha.
Hadalkan waxaa uu Liddi ku yahay hadal uu dhawaan sheegay ku simaha Gobolka Mudug ee Maamulka Puntland Axmed Muuse Nuur oo sheegay in aysan Puntland ka xumeyn Garoonka laga furay koofurta Gaalkacyo.
Source: Banadirnews
_____________________________________________________________________________________
Xafiiska Wararka Qaranimo Online | Mogadishu, Somalia
_____________________________________________________________________________________Advertisement
_____________________________________________________________________________________
|
|
|
|
